मन थू कैणा कर ले गुरो रा,
जो तुम केणा करो गुरो रा कट जावे,
बंधन तेरा मन रे केणा सुण ले मेरा।। टेर ।।
अवगुण तजो गुण ने पकडो मिट जाई घोर अंधेरा।
सुरत शब्द से तार मिलावो रे कटे जन्म रा फेरा ।। 1 ।।
कहणा सुण ले मेरा ............ टेर
निन्द्रा झुठ कपट ने त्यागो नहीं आवे जमडा नेडा।
सतरी संगत चेतन रेणा वटे अमिरस वरसे गेरा ॥2।।
कहणा सुण ले मेरा ............ टेर
उंडा उंडा नीर अतंग जल भरिया है अम्रत वेरा।
सुगरा वो भर भर पीव नुगरो रा खाली फेरा ॥3।।
कहणा सुण ले मेरा ............ टेर
आगली पाछली कर ले खबरिया क्या तेरा क्या मेरा ।
हेमनाथ सुणो भाई संतों ज्योरा अमरलोक मे डेरा ॥4।।
कहणा सुण ले मेरा ............ टेर
कोई टिप्पणी नहीं:
एक टिप्पणी भेजें