गुरु महिमा भजन
गुरुजी पाय लागूं सबद सुनाय दीजो।
सुनाये दीजो समझाये दीजो, गुरुजी पाए लागू
सबद सुनाये दीजो ।। टेर ।।
जल की लहर उठे म्हारे दिल मे,
तन री तपन बुझाये दीजो।। 1।।
गुरुजी पाए लागूं ............ टेर
घट में अंधेरो दाता, बाहर नही सूझे,
शबदो री जोत जगाये दीजो।।2।।
गुरुजी पाए लागूं ............ टेर
असंग जुगों रो सूतो म्हारो हँसलो,
सुतोड़ा ने आय जगाये दीजो।।3।।
गुरुजी पाए लागूं ............ टेर
धरमी दास री अरज वीणती,
काग सूं हंस बनाये दीजो।।4।।
गुरुजी पाए लागूं ............ टेर
