होली स्पेशल धमाल फागण गीत
गोर में धमीड़ा बोले गाडो किणरो आयो रे
मन में जाणू देवरियो लेवा ने आवे रे, लाखे जावूं नी
हारे लाखे जावूं नी, मोरियो भला ही गावो रे
लाखे जावूं नी
बालम म्हारो परदेषां नीन्द किणने आवे रे
रात रा सूतां ने म्हाने ओलू आवे रे, महिनो फागण रो
हारे मीिहनों फागण रो, फागण रे महिने आया रहिजो रे
महिनों फागण रो
नीम्बडी निरोगी थारे हेठे अठियो ठालूं रे
आया गिया बामणों ने आटो घालूं रे, वासो टीपणो
बोलो रे वासो टीपणों, आगलो जमोनो केैडो रे
वासो टीपणोें
उगमणी धरती में भायों कैडो नखतर उगो रे
भाग भला देख ने केसरियो उगो रे, सैस किरणो रो
जीवो रे सैस किरणों रो, दुनिया रे दरसण ने उगो रे
सैस किरणो रो
पांच तो पाण्डूडा माता कुन्ताजी रे हेता रे,
शाम री सेवा में पाचों हाजर रेता रे दापर मायनै
बोलो रे दापर मायने,
पाण्डविया हिमाले गलिया रे, पाचों पाण्डविया
पातलकी पाणी ने चाली, उची राखे एडियों,
राते थारे हेतालु रे पड़ गी गेडियों, राता मौरों में
हारे राता मौरों में,
माथा री गेडी राम टाली रे राता मोैरों में
चेक रो खमेस छोरा, लटपट लीरी लटके रे,
बारह वर री छोकरी आ घर घर भटके रे करले राजीपो
हारे करले राजीपो,
जोवनियो ओ जातो रैला रे करले राजीपो
पौर ने परार छोरी छूटे लटिये फिरती रे,
म्हारी ठोकर लागी ने जवान होगी रे, माथो गूंथायो
हारे माथो गूंथायो,
मीण्डलियों में मोती पोया रे माथो गूंथायो
मोलिया मोटी री राण्ड कडियों में वळ घाले रे,
घाघरिया री सीण में अन्तरियो राखे रे, मौटी मोलियो
हारे मौटी मोलियो,
मोळियो मरे के जीवे रे, मौटी मोलियो
पीवरिया मे रैती मै तो टीकी पळका देती रे,
सासरिये आये ने मैं दुखड़ा में पड़गी रे, टीकी पोतर गी
हारे टीकी पोतर गी,
मोलिया मौटी रे खातर रे, टीकी पोतर गी,
कोई टिप्पणी नहीं:
एक टिप्पणी भेजें