कालबेलिया फागण गीत
मैतो म्हारे पीवर जावूं, आटो पड़ियो कुण्डी में,
भावे तो खाइजो रे नीतर पडजो उण्डी में, पीवर जावा दो
हारे पीवर मेल दो, नणदल रा वीरा फागण आयो रे,
पीवर मेल दो
हाथोें में सोने री वीटी, गहूंड़ा कीकर वाडूं रे
आगे उबो देवरियो काकरिया फेके रे, पासा जाओ परा
हारे पासी जा परी, तावड़िये री तड़की आकरी
पासी जा परी
नेनकड़ी नणदल तो मारे, सेर उन काते रे
मोटोड़ा बाईसा मारी छाती रोन्दे रे, करदो मुकलावो
हारे करदो मुकलावो, आवलकी इगियारस माथे रे
करदो मुकलावो
धोरे धोरे धोबड़ी लीले रो भारो लाउ रे
सारा घर रा राजी वौ तो पीवर जाउ ओ, लाउ धोमेणी
हारे लाउ धोमेणी, परायो सींगट किणरो राखूं ओ
लाउं धोमेणी
चानणी चवदस री राजा रोपणी रोपाई रे
रोपणी रोपाय राजा होली बाली रे, आयो उनालो
बोलो रे आयो उनालो, लाडकिया महिना वैगो आईजे रे
आयो उनालो
